Friday, April 12, 2013

සඳු නුඹ හට.. .

හදට ලංවී තුරුලු වී ගෙන රහස මට දැන් කියන්න
තවම තනිකඩ වෙලා මගෙ හිත තියේදැයි මේ බලන්න
සොඳුරු හැඟුමක ගැඹුරු තැන හිඳ එපා ඔය හැටි හිතන්න
ආදරේ හරි පුදුම විදියට දැනෙනවාදැයි කියන්න. .. .

වරක් දෙවරක් සැනසිලා නම් ඔය හිතේ හැටි අහන්න
හිඳිමි සදහට නුඹ ලඟින් මම ඉඩක් පොඩියට තියන්න
රෝස මල් වගෙ මෙලෙක නෑ මේ ආදරේ ගැන අහන්න
දුකම පමනක් විඳව ගන්නට නුඹට බැරිනම් කියන්න. ..

වචන හැඩ කර ආල කෙරුවට සොඳුරු නෑ මේ අහන්න
ජීවිතේ අපෙ පාට අඩු බව නුඹත් හොඳ හැටි හිතන්න
ගලන කඳුලැලි සඟවගෙන හරි ජීවිතෙ නුඹ විඳින්න
සඳු නුඹ හට දැනෙයි විගහට ආදරේ ඒ විඳින්න. ..






Thursday, April 11, 2013

                අකැපයිද ආදරේ . ..

බෝ මලුව නිහඬ වී අදත් පන්සල පාලුයි
සුදු පාට මල් ගවුම නැතිව සිත කලඹයි
වෙනද මෙන් ඇය නැතිව මටත් හරි පාලුයි
කහ සිවුර පොරෝගෙන ඉන්න මට ලෝබයි...


බුදු හිමිගේ පාමුලට වැටී සිත හඬවයි

ආදරය අකැපයිද මගේ සිත විමසයි
පාලුවට ගියපු සිත තවම මගේ කෝඩුයි
කහ සිවුර හැරයන්න ඉතින් මට සිහිවෙයි. ..

කුලුඳුලේ ආදරය පිපි මලක් විලසයි
හැඩ වෙද්දි පේවෙද්දි හිතත් හරි සුවඳයි
පන්සලේ සිල් සුවඳ තාම මට නුහුරුයි
ආදරේ අරන් එන සුලඟ හරි මිහිරියි....


අන් හිතක ‍රැඳුනු ඔබෙ හිතත් හරි පුදුමයි
මට අහිමි පුන් සඳක එලිය මට අකැපයි
සංසාරෙ කෙලවරක නිවන මගෙ පැතුමයි. .




Wednesday, April 10, 2013


කියන් මගේ ආදරී. ..

අකීකරු හිත ලඟ

දඟ කෙරුව සුරතලී
සිහිනෙන්ද ඔබ ආවෙ
කියන් මගෙ ආදරී. ..

ජීවිතෙ තාලයට තැනූ
අත්වැල ඔබේ
හැමදාම තිබුනනම්
සුන්දරයි ජීවිතේ
අඩවන්වු දෙනෙත් ලඟ
ගුලිවෙලා ආදරෙන්
මැවු සිහින බර වැඩිද 
කියන් මගේ ආදරී. ..

පපුතුරේ සැඟවිලා 
උනුහුමට ආදරෙන්
දොඩපු ආදර කතා
බොරු නේද ආදරී
නුඹේ හිත පිරෙන්නම 
මම දුන්නු ආදරේ
නුඹට ඒ මදි උනාද
   කියන් මගේ ආදරී. ...

මගෙ හුස්ම නුඹෙ හුස්ම
වගෙ කිව්ව ආදරී
මියෙනතුරු ලඟ ඉන්න 
මට කිව්ව ආදරී
හිතකින්ද ඔබ ගියේ
කියන් මගෙ ආදරී. . ..

ඔබේ ඔය ආදරේ.. .


ලෙන්ගතුයි හැමදාම
සොඳුරු ඔබෙ හද මඩල
සුන්දරයි හැමදාම
සොඳුරු ඔබෙ වත කමල
අහිංසක දෙනෙත් යට
සැඟවිලා හොර රහසේ
විඳින්නට අවසරයි
ඔබේ ඔය ආදරේ. .

පාලුවට ගිය මගේ
හිත් යාය වපුරලා
උනුහුමට මගෙ හිතේ
ආදරේ ගුලි කලා
ඇස් වලින් සිනාසි
හෙමි හෙමින් ඉඟි කලා
මගෙ පාලු හද කුටියේ
  මා අතරමං කලා...